Pancake 專門紗織 (已結業)

放假約埋朋友去銅鑼灣正指甲，買衫。朋友同我都行到好累，想搵間餐廳食下野，坐下傾陣計朋友係網上睇左好耐，搵到呢間日本cafe。餐廳係日式簡約風格，裝修非常別緻，到處都充滿心思，座位都好舒適又闊落。睇左餐牌，朋友選擇左濃蕃茄牛肋條烏冬套餐，有餐湯，沙律，主菜，餐飲。套餐一到朋友馬上影相post IG，賣相同用碟都好靚又特別。朋友話牛肋條好嫩，牛肉味好香，蕃茄湯酸酸甜甜好開胃。而我就點左全日早餐，賣相好精彩，有韓國大肉腸，薯餅，溫泉蛋，茄汁豆，烤芝士大蘑菇，薄餅，沙律菜，非常豐富！一試對芝士大蘑菇讚不絕口，大蘑菇好嫩又多汁，芝士味道好香濃。溫泉蛋都好香雞蛋味，半熟口感好順滑。