祥興記上海生煎包 (已結業)

小妹都可以話係半個荃灣人, 外來人以為荃灣區好多野食, 實情係除左米線/麵多之外,選擇種類其實好少。 所以祥興一開, 就得到各位街坊既支持係一D都唔難明白。祥興店細, 唔計飲品淨係得4樣野賣, 所以有人龍唔使怕, 因為TURNOVER好快。先講生煎包。標榜皮薄, 多汁, 饀鮮, 底脆。都攞到70分啦。個人略嫌饀不足以用“鮮”黎形容, 底係就係脆, 不過中間位置過厚。正宗既上海生煎包, 落油煎之餘其實要加水先至夠脆同快熟。不過皮薄同多汁程度都幾好, 食既時候要由頂中間開始咬, 如果唔係就有D呢HEA。