澳門咖喱王新鮮腩

營業中

休息中

今日午餐 去咗佐敦逛街， 順便食嘢所以搵咗呢間澳門茶餐廳。 呢間餐廳標榜新鮮牛腩， 同埋有獨特配方嘅澳門咖哩， 我見佢menu上面嘅廚師推介都係咖哩牛腩飯， 所以決定一戰。舖頭 唔算大 ，大概十幾張枱， 整體感覺都算係乾淨， 而且店員服務都算周到。呢度上菜都算幾快， 叫完個飯大概一分鐘到就上菜。 個咖哩味係幾特別， 同平時食嘅日本咖哩或者印度咖哩，泰國咖哩等味道差好遠。 佢好集中係某一兩種香料味， 但我個人覺得呢種香料味搶咗整體咖哩嘅味道， 牛腩都算係幾新鮮， 煮嘅時間都算啱啱好， 口感同味道俱佳。一個飯配一杯飲品， 約莫六十幾蚊價錢， 價錢正路。