Dijaya (已搬遷) 新店位置

情為何物呢！每個人都總會有不快既時候！多數都離唔開“金錢，愛情，家庭！最近一個“情字令我好迷惘好煩惱，唔知點去處理！“所謂一醉解千愁，有時候一個人靜靜地飲下酒諗下野未嘗係一種舒緩情緒既做法！依間dijaya環境幾好，用上紫色做主調，燈光柔和偏暗，比到人一種好舒服既感覺...Guinness, 黑啤，有一種甘苦味，係我唔開心既時候最鐘意飲既啤酒！酥炸雞翼配蜜糖芥末汁，雞翼既醃制調味好入味好好味，炸得又岩岩好，不過如果個d舖係面既蜜糖芥末汁可以另外分開放會好d，咁沾幾多食可以自己行量番！凱撒沙律，沙律菜新鮮食落爽脆！餐牌既野食全部同酒都好夾又唔貴，整體依間野都唔錯！