鴻福堂

營業中

休息中

豬年第一個食評寫糖水,希望家人、朋友、各openricer同自己,今年都會過得sweet sweet。年初一經過西鐵站,想飲d清熱涼茶解解熱氣,買完一堆涼茶+茶葉蛋之後,又突然想食糖水bor,最後買左自家糖水紅/綠豆各一大包返歸享用。凍食蓮子紅豆比較杰身,杰得有點怪異,原來成份之中有粟粉,難怪有d糊口感覺。紅豆沙帶有少量綠豆及幾粒蓮子,味道唔太甜,蓮子都尚算鬆化,紅豆都煲得起沙,以即食糖水黎講算交到貨。熱食海帶綠豆沙外表比較似樣,綠豆都煲得夠身,都有唔少海帶絲在內,只欠臭草香味,如果可以加入臭草,就會更加似樣;味道方面都係唔太甜,合符現今少甜口味。包裝上面寫明"每日鮮製",糖水癮起時,呢種包裝糖水都可以作為考慮之一。