好旺角粥麵專家

營業中

休息中

同事介紹，想食好耐，今次出旺角，諗唔到食咩，突然諗起可以試下呢間。一心黎食豬腰粥，因為同事極力推介，因為香港好少豬腰咁新鮮好味。所以我地叫左豬腰粥、豬手撈麵同淨水餃。豬腰粥：粥底好味，但自己鍾意食綿密d，呢碗綿係夠綿，略嫌密番少少會好d。豬腰真係真材實料，好味，爽不特止，去血都做得好好，只有一塊食到「鴨」味。下次會試下走油。豬手撈麵：豬手超正，本身鍾意食「林」的豬手，呢間做到呀！「林」得黎仲要有咬口，真係食到骨都想食埋🤣撈底都好特別，唔識講，同出面其他好唔同，下次要慢慢再食先再評。水餃：足料，蝦同荀都好足夠，但無咩特別。會再黎呀！