臻味豬扒酸辣米線

營業中

休息中

今日天氣凍想食熱野，去開觀塘買完野見肚餓上網搵觀塘米線推介，見有人推介便順路一試呢間小店。一入去見到都唔少人食，但啲位按排得有啲奇怪，店員無打招呼我隨心搵左個位坐。第一次食當然食佢既招牌豬扒麻辣湯米線，我叫左少小辣，真係落單唔夠五分鐘碗米線就到，非常有效率，第一淡試湯，好夠麻好正😳，豬扒有三件，肉質唔韌，整體來說份量適中，有少少花生做配菜，呢碗米線對於我一個女仔黎講，唔細食都ok飽既。依家天氣凍，食完全身成暖笠笠，過左幾個鐘都唔口渴，👍，$44有咁既質素算唔錯。總結：下次黎再試埋其他野☺️，雖然餐廳啲位分配得有啲奇怪，不過唔怪得佢，地方淺窄係咁，如果有水主動提供就更加分啦。