Franape Bar & Restaurant (已結業)

約埋三五知己又或者係豬朋狗友去得既地方多數都係落酒Bar, 我就今次提議想食下野飲下酒輕鬆下，其實係我之前一日飲完所以想休戰至真，哈哈。我地就照舊去太子酒吧街搵地方，見到呢間幾四正就坐低。前菜當然叫左小食，有炸魷魚圈，上台係成串企起度，有d感覺似長洲果支薯條。魷魚圈炸得香口兼彈牙，又夠大份，抵食。今日我就飲左一款手工啤，我都吾知係咩味道，只係知道係有黑加倫子味既啤酒，味道似提子味既啤酒。跟住都係小食主角薯條，不過加左黑松露焗既，食法有d變化，有好香既松露味芳香撲鼻，又有芝士起面層，真係味道幾濃厚。煎鵝肝就味道一流，話哂呢間係食法國菜，我地叫左兩客驚吾夠食，鵝肝外層香脆剛剛好，切開肉汁流出來，咬入口真係好味到無得彈，可惜再大份量d會再好味d呀仲有係燒豬手，呢度菜其實煮得好食都幾難掌握，我見呢度係主打我就試試，又真係有驚喜。燒豬手外層係好脆既，裡面切開完全吾會乾，仲幾有肉汁，相信時間掌握得幾好。味道帶些香辣味，因為有醬汁伴碟上，夾埋食好正。