元朗合隆潮州粉麵 (建基大廈) (已結業)

今日午餐想食粉麵，同事被這店外大大隻字豬油撈飯所吸引，就決定响度食。店子比一般粉麵店企理。見到有豬什麵即刻心心眼，豬什豬油撈麵$45豬什好足料：有豬心、豬耳、豬肚、豬腸、豬肺、肉青、豬脷、豬粉腸、豬肝。最重要係豬什整得乾淨無異味附帶大量香蔥、芫茜、芽菜，清爽好味。胡椒湯底亦好好味，飲不停。豬油撈麵麵條有咬口，份量多到食唔曬要打包。同事叫的花雕醉雞米粉$48，鍾意佢醉雞分開上，試左一舊，酒香撲鼻，雞肉嫩滑，幾好食。