影片
更多
2022-05-21
457 瀏覽
.📍江湖小棧📍 #饅頭去荃灣 #饅頭的港味道------------------------------1️⃣ 蒜蓉田雞排骨煲仔飯 ($83)蒜蓉排骨飯本來就係一樣無敵嘅美食combo，用嚟整煲仔飯，將排骨肉汁、蒜香同蔥香滲入米飯，然後自己落豉油同豬油焗三分鐘，令煲底形成金黃色靚靚飯焦，之後食嘅每一啖飯都充滿蒜蔥蒜同豬油香💕，成件事可謂更上一層樓。而且我好欣賞佢哋嘅排骨肥瘦比例均勻，唔似出面其他點心舖淨係畀肥膏你；排骨肉質鮮嫩有彈性😍，唔會用鬆肉粉整到啲排骨冧曬。 小編一時貪得意仲嗌咗佢哋嘅田雞，同樣係肥美鮮甜嫩滑，不過我就覺得佢將啲肉片得薄咗啲， 而且都幾多幼長嘅骨，唔鍾意挑骨嘅朋友仔就唔建議嗌。◾評分：8.1/10------------------------------2️⃣ 合時臘味煲仔飯 ($80)呢個係朋友嗌嘅煲仔飯, 我就偷咗佢幾舊臘肉同臘腸試下，佢哋嘅臘味煙燻香味同油香十足😆，肉味濃郁，乾硬程度未至於難香，鹹度適中，配飯一流，同我嗰煲相比，又係另一番風味🙈；不過小編個人更喜歡啖啖肉，所以上一款嘅餸就更討我歡心。◾評分：8.0/10-----------------------
📍江湖小棧📍 #饅頭去荃灣 #饅頭的港味道
------------------------------
1️⃣ 蒜蓉田雞排骨煲仔飯 ($83)
蒜蓉排骨飯本來就係一樣無敵嘅美食combo，用嚟整煲仔飯，將排骨肉汁、蒜香同蔥香滲入米飯，然後自己落豉油同豬油焗三分鐘，令煲底形成金黃色靚靚飯焦，之後食嘅每一啖飯都充滿蒜蔥蒜同豬油香💕，成件事可謂更上一層樓。
而且我好欣賞佢哋嘅排骨肥瘦比例均勻，唔似出面其他點心舖淨係畀肥膏你；排骨肉質鮮嫩有彈性😍，唔會用鬆肉粉整到啲排骨冧曬。 小編一時貪得意仲嗌咗佢哋嘅田雞，同樣係肥美鮮甜嫩滑，不過我就覺得佢將啲肉片得薄咗啲， 而且都幾多幼長嘅骨，唔鍾意挑骨嘅朋友仔就唔建議嗌。
◾評分：8.1/10
------------------------------
2️⃣ 合時臘味煲仔飯 ($80)
呢個係朋友嗌嘅煲仔飯, 我就偷咗佢幾舊臘肉同臘腸試下，佢哋嘅臘味煙燻香味同油香十足😆，肉味濃郁，乾硬程度未至於難香，鹹度適中，配飯一流，同我嗰煲相比，又係另一番風味🙈；不過小編個人更喜歡啖啖肉，所以上一款嘅餸就更討我歡心。
◾評分：8.0/10
------------------------------
🔸整體評分：8.1/10
🔸小編回頭率：7.5/10
張貼
