碧士文 (Sugar+) (已結業)

見到香港01介紹，星期日嚟呢度食下午茶，試咗豬漢堡包及芝蛋多士。舖頭雖然係好細，但佈置好有心思，雖然冇影到佢啲牆上裝飾，但去番佢個page都會有好多相，好有特式，個店主好有心思。食物選擇其實係算多，有飯類、漢堡、多士、薯條等等，亦有啤酒汽水飲品。呢個係芝蛋多士，個麵包有少少甜，但唔係太甜嗰種，成份多士熱辣辣新鮮整出嚟，啲芝士溶哂落啲蛋度，好滑好香，啲味好夾，好好食。豬扒漢堡包，冇叫double手打豬肉，因驚食唔哂。件豬扒夠淋、啲肉唔鞋、好入味，同埋啲生菜好新鮮係脆嘅。兩樣嘢係$93蚊，咁嘅質素，覺得好抵食。包裝亦好細心。會再幫襯。