Relax B&M

營業中

休息中

總結： 貓貓居住環境好差， 好細的bb貓無人照顧，好多貓眼睛都好污糟，野食質素正常係openrice見到好似好chill, 以為貓貓居住環境都幾好，先趁放假去試下。去到被安排上二樓， 有好多名種貓，除左成貓，仲有好多bb貓，仲未介奶。 櫃入面仲有一個貓媽媽，同幾胎岩岩生出黎的bb。有養開貓都睇得出，呢度啲貓被照顧得唔好， 好多的眼都好污糟，毛髮都好稀疏。 係用餐途中，有一個應該係店主的男仔小朋友，不停四圍行黎行去，係咁係到抱起啲bb貓，bb貓想走開， 佢又再跑黎去捉返啲貓bb🙈一黎好騷擾，二黎點解唔可以比bb貓自己行下抖下。 有一啲小朋友客人上到黎， 拎住啲逗貓棒亂咁fing, 唔識同啲貓玩， 有一隻bb貓係貓媽媽身上面飲緊奶，都比小朋友強行分開，抱起。 完全無店員制止呢啲行為/ 保護貓貓。其實一啲咁細嘅bb貓，係咪唔應該就咁放係到，係咁多客人嘅地方行走呢？ 野食質素係可以，環境都唔錯，但見到啲貓貓比人咁樣對待，好快咁食完都忍唔到想快啲走。