Rakuraku 樂拉麵 (康怡廣場北座) (已結業)

路過見到而家做緊優惠，堂食都可以有85折，所以就入左黎食晚飯。呢度環境乾淨整潔，佈滿貓貓元素，好可愛中。芝士吉列黑豚🐷石鍋飯塊吉列豬排中間夾住厚厚嘅芝士，鐘意食芝士嘅芝士迷唔可以錯過呀，不過食完塊扒就有啲空虛，因為淨底嘅只有一碗白雪雪乾爭爭嘅白飯🍚，無汁無味😂好在叫左另一碗係辛味牛柳粒泡菜溫蛋丼，偷左啲醬黎撈飯食。辛味🐮牛柳粒泡菜溫蛋丼係韓國口味，超級辣，不過好野味。小食有日式炸雞同鐵板日式鮮燒餅，2樣都好好味😋。