Catee (已結業)

依間用貓做主題，雖然入面一隻貓都冇，但係入面都有好多貓既裝飾擺設，而且入面環境幾好，入到去有種好舒服好relax既感覺。佢地有d套餐選擇，個餐仲包埋餐湯/餐包/沙律/主菜/飲品/甜品，價錢唔貴好合理，最重要一樣野係，所有野都係續樣續樣上，食完一樣先上另一樣，唔會有種急住上菜趕你走既感覺，好適合情侣朋友去食。8點前仲有happy hours,惠顧一round,可半價小食。雖然冇真貓，但好多關於貓既畫。蜜糖芥末單雞翼 : 炸到好香脆，一d都唔油，而且係單骨，食得好方便。香煎海鮮拼盤 : 超級大份，魚扒仲有3款，職員話，每日都唔同，睇下當日有咩新鮮就會用嗰款魚，抵讚，另外一讚係個薯蓉，好滑好香牛油味，食完一啖接住食另一啖。西班牙黑毛豬辣肉炒飯 : d飯好入味，軟硬度剛好，黑毛豬好有肉味，而飯都食到黑毛豬既香味，配搭得好好。抹茶芝士蛋糕 : 抹茶同芝士比例配合得好好，大家唔會搶左大家既味道。Oero奶昔 : 啖啖Oreo碎，唔會太甜，令依餐飯畫左完美既句號。