影片
更多
2016-06-05
566 瀏覽
一餐飯要食得滿足，有人話食材新鮮好重要、有人話環境舒適唔少得，或者我覺得除咗呢兩樣嘢之外，其實同邊個食都會有一個重大嘅影響，同情侶食當然會甜蜜啲、同長輩食可能會清淡啲、如果同小朋友出嚟食應該係難攪啲。而有一日我陪咗一個女性朋友係旺角買完相機零件諗住係附近醫醫肚，意想不到佢竟然揀咗紅蔥頭，我好多年前成日同Oliver去嘅餐廳。。。面門依舊，人面全非。走進的不只是餐廳而是回憶，我好鍾意餐廳內復古嘅味道，而且內裡亦好寬敞，我亦好懷念Oliver坐係到四圍望嘅畫面。食過咁多次紅蔥頭，總覺得佢個兩人餐真係好抵食，餐湯＋法包、一個小食、兩個主菜、甜品＋餐飲只需$278，係朗豪坊嚟講真係已經無得輸。羅宋湯＋法包法包上到枱時仲熱辣辣，加上表面有大量嘅蒜泥牛油真係非常吸引，而佢個羅宋湯材料豐富，雜菜、牛肉不在話，最重要佢個酸辣度亦同樣準確，飲起上嚟相當醒胃。此刻我在想，咁多年來會唔會都係同樣嘅廚師，拿著一份堅持烹煮同樣嘅湯？法式香草牛油焗田螺還記得胃食嘅Oliver真係非常之鍾意食田螺，鐘意食田螺嘅地步簡直可以叫佢做「田螺殺手」，數秒之間已經可以將田螺掃清光，所以到今晚我先可以真正品嚐到田螺嘅味道，濃濃
而有一日我陪咗一個女性朋友係旺角買完相機零件諗住係附近醫醫肚，意想不到佢竟然揀咗紅蔥頭，我好多年前成日同Oliver去嘅餐廳。。。
面門依舊，人面全非。走進的不只是餐廳而是回憶，我好鍾意餐廳內復古嘅味道，而且內裡亦好寬敞，我亦好懷念Oliver坐係到四圍望嘅畫面。
食過咁多次紅蔥頭，總覺得佢個兩人餐真係好抵食，餐湯＋法包、一個小食、兩個主菜、甜品＋餐飲只需$278，係朗豪坊嚟講真係已經無得輸。
羅宋湯＋法包法包上到枱時仲熱辣辣，加上表面有大量嘅蒜泥牛油真係非常吸引，而佢個羅宋湯材料豐富，雜菜、牛肉不在話，最重要佢個酸辣度亦同樣準確，飲起上嚟相當醒胃。此刻我在想，咁多年來會唔會都係同樣嘅廚師，拿著一份堅持烹煮同樣嘅湯？
法式香草牛油焗田螺還記得胃食嘅Oliver真係非常之鍾意食田螺，鐘意食田螺嘅地步簡直可以叫佢做「田螺殺手」，數秒之間已經可以將田螺掃清光，所以到今晚我先可以真正品嚐到田螺嘅味道，濃濃嘅牛油熔於田螺之中，螺肉變得甘香軟滑，再伴香脆軟滑嘅薯茸一齊食，我明白到Oliver真係好識食。
加拿大topAAA穀飼牛肩扒其實同Oliver經歷過好多時光，有開心嘅、有嘈交嘅、亦曾經試過唔理佢，但呢句歌詞正好表達我嘅感受：
～來忘掉錯對 來懷念過去 曾共渡患難日子總有樂趣
不相信會絕望 不感覺到躊躇 在美夢裏競爭 每日拚命進取～
就算而家我哋見唔到面但我覺得都係美好的，亦都要努力向前，化悲變成食量，結果今晚更食咗大半碟牛肩扒，但當然廚師真係煮得好好味，牛肩扒外脆內嫩，內裡鎖住大量肉汁，每啖都好重牛味，而佢個扭紋薯條亦好出色，估唔到香脆嘅薯條內心軟似薯蓉相當唔錯。
卡邦尼煙肉扁意粉第一次食扁意粉煮呢個菜式就係喺呢間餐廳，仲記得我問過店員：其實卡邦尼意粉每個地方材料都差唔多，但點解呢到好似咁好味。原來呢個卡邦尼煙肉扁意粉係大廚得獎嘅作品，忌廉汁幼滑稠度適中，扁意粉亦唔會過淋，簡單嘅菜式煮得不簡單，真係好唔簡單。
精選雪糕主菜過後，當然就係甜品嘅時間啦，當晚有士多啤梨同綠茶味雪糕，而朋友都好鍾意雪糕嘅味道，特別士多啤梨味非常清新。
餐飲熱檸水檸檬新鲜，飲果陣唔會有苦味。
經過多年，終於再次食到紅蔥頭，味道唔錯而且真係非常之抵食，而佢個味道亦令我嘅回憶不斷湧現，特別記返起我成日帶佢去荔枝角公園玩嘅日子，佢不停跑、不停跳，攪到周地都係佢白色嘅毛髮，而我同佢最後嘅相片就係頭像果張，如果有機會佢見到呢篇文嘅時候希望會係開心而唔係唔開心。
－－獻給我最愛的Oliver－－
張貼
