良記餐廳(老鳳冰室) (已結業)

老鳳冰室係一間行懷舊風的茶餐廳，佢嘅裝潢都幾有玩味，非常打卡able! 食物方面除左有一般茶記常見嘅茶餐之外，仲有一啲特色招牌菜～咁我一場來到當然要試下啲招牌菜啦！我試左原味波波奶茶和焗芝士海鮮保齡球！先講波波奶茶，佢啲冰都係用奶茶整嘅，所以唔怕融冰會令奶茶味變淡，創意100分！不過佢啲奶茶冰融得都幾慢，飲哂啲奶茶啲冰都仲係好硬到最後要係咁篤篤篤，篤到佢變奶茶沙冰，別有一番風味！個焗芝士海鮮保齡球真係超級邪惡呀！ 佢個保齡球（麵包）烘到勁香脆！保齡球入面裝住海鮮焗飯，滿滿嘅芝士白汁包裹住足料海鮮，淨係食個飯已經好飽肚！食完個飯仲可以將啲麵包點芝士醬食，好好味但真係食唔哂...😭 建議細食嘅朋友同其他人share!總結，原味波波奶茶和焗芝士海鮮保齡球都有特色，味道都唔錯，值得一試！