影片
更多
2019-03-25
33 瀏覽
※本文以用餐當日的環境、服務和食物質素為準，口味亦因人而異，文章只作參考之用。.「eat darling eat」係一間位於銅鑼灣名店坊新開既fushion餐廳，餐廳就像一間美食實驗室，餐牌上無論鹹食和甜品都有不一樣的新穎配搭和玩味變奏，更以特別的組合來重新演譯一系列港式糖水，剩係見到雪糕都有「豬腳薑」同「四川花椒」咁大膽創新口味既雪糕，已覺得這餐廳絕不簡單。餐廳環境很闊落，分為兩層，裝潢佈置得充滿活力，用上大膽鮮艷的熒光顏色及與別不同的色調，明顯是走年青人路線。餐牌上有分小食、主菜；甜品方面選擇較多，自家製雪葩和蛋糕甜品等，仲有多款重新演譯的港式糖水和甜品；飲品選擇不少，連coffee cocktails都有。酥炸豆卜釀香草芝士 $58炸豆卜內釀左軟滑既忌廉芝士，面頭仲搽上一層甜醬來模仿臭豆腐的感覺，名乎其實中西合壁。雖然食落無臭豆腐既臭，但咀嚼中既口感和味道會有一刻覺得食緊臭豆腐，係幾特別既配搭。香煎牛柳粒 $78呢碟牛柳粒最特別之處係一旁加左紅椒粉的腐乳醬，用黎蘸上牛柳粒食別有一番風味（不過對於重口味人士覺得個醬可以濃味少少）。牛柳粒蘸的熟成度恰到好處，食落有口感不會很韌，牛味滿
.
「eat darling eat」係一間位於銅鑼灣名店坊新開既fushion餐廳，餐廳就像一間美食實驗室，餐牌上無論鹹食和甜品都有不一樣的新穎配搭和玩味變奏，更以特別的組合來重新演譯一系列港式糖水，剩係見到雪糕都有「豬腳薑」同「四川花椒」咁大膽創新口味既雪糕，已覺得這餐廳絕不簡單。
餐廳環境很闊落，分為兩層，裝潢佈置得充滿活力，用上大膽鮮艷的熒光顏色及與別不同的色調，明顯是走年青人路線。
餐牌上有分小食、主菜；甜品方面選擇較多，自家製雪葩和蛋糕甜品等，仲有多款重新演譯的港式糖水和甜品；飲品選擇不少，連coffee cocktails都有。
酥炸豆卜釀香草芝士 $58
炸豆卜內釀左軟滑既忌廉芝士，面頭仲搽上一層甜醬來模仿臭豆腐的感覺，名乎其實中西合壁。雖然食落無臭豆腐既臭，但咀嚼中既口感和味道會有一刻覺得食緊臭豆腐，係幾特別既配搭。
香煎牛柳粒 $78
呢碟牛柳粒最特別之處係一旁加左紅椒粉的腐乳醬，用黎蘸上牛柳粒食別有一番風味（不過對於重口味人士覺得個醬可以濃味少少）。牛柳粒蘸的熟成度恰到好處，食落有口感不會很韌，牛味滿重，建議與蒜片等同食味道會更突出。
親愛做鴨肉意大利雲吞配煙燻忌廉薯蓉 $78
這款由雲吞皮到底下的煙燻薯蓉都係自家製的，一碟有四片雲吞，雲吞皮的厚薄和軟硬度都適中，中間填了滿滿鴨肉餡料，配搭底下惹味的忌廉薯蓉，味道相當唔錯，就是份量有點少，但小妹頗喜歡的。
招牌菠蘿包 $38
餐廳自家製既菠蘿包，外皮咬落很鬆脆，中間夾了菠蘿雪葩同軟滑的菠蘿吉士醬，一旁還放了菠蘿粒和焦糖脆脆可一同品嚐。食落散發出陣陣清幽的菠蘿味，是「真·菠蘿包」，這配搭好似食緊泡芙甜品般，係港式菠蘿包的變奏版，不錯。
木瓜糖水 $68
內有雪耳、燉木瓜、意大利軟芝士和木瓜脆片組合而成，賣相可媲美西式甜品，岩晒相機食先。最過癮係估唔到呢個木瓜糖水既組合同軟滑既軟芝士又頗配合，一齊食落味道又完全無違和感，好特別啊！不過所附的木瓜雪耳糖水？加唔加感覺都分別不大。
蕃薯糖水 $68
香芋雪糕、薑味蛋白餅、朱古力蛋糕的這個蕃薯糖水的配搭狀甚有趣，不過食落覺得每種食材都有點像各自修行，薑味和蕃薯味也不重，是覺得有點可惜。
飲品叫了Chai Latte $40和Cold brew old fashioned $118，前者係香料鮮奶紅茶，飲落會覺得自己飲緊印度奶茶，帶頗重的香料味；後者係咖啡雞尾酒，小妹無飲到便不作評論，但男人就話唔太岩口味。
張貼
