影片
更多
2019-06-20
587 瀏覽
最近響銅記灣仔交界近橋位果堆酒吧區開咗間超eye catching咁玩味酒吧，門口兩邊半戶外打卡枱再加埋超鮮艷嘅霓虹燈，淨係個門口已經係值得幫襯嘅理由啦😗店如其名呢度主力做tapas為主，冷熱夾埋都有十幾款，而且好多都好過癮，當中有兩款一凍一熱係超鐘意，冷盤代表有棒棒鵝肝，鵝肝係蒸完再搓成丸雪凍，食落個質地有啲似truffle chocolate咁微軟心，味道當然係好重嘅鵝肝味啦，不過同時有啲開心果碎同黑椒碎之類沾到鵝肝上，食落好惹味，同埋唔知點解我同朋友都食到少少類似鹹蛋嘅感覺😂至於熱盤代表就係西班牙薯仔蛋餅，呢度個蛋餅同傳統嘅唔同，依香港人喜好而改良成流心效果，流出嚟嘅薯仔粒同蛋汁再加埋餅上嘅蛋黃醬同紅椒粉等超惹味✨其他tapas有慢煮八爪魚，好少見到連八爪魚都有得慢煮，比起平時食嘅質地多咗份軟滑感，味道都好有鮮味，連埋鮮茄蓉微酸感覺開胃😗烤紅蝦聽聞係店家得意之作，味道好香口，特別係個蝦頭，連我呢個本身對熟蝦冇乜興趣嘅都想啜多兩下🤣 仲有一款鵝肝脆包同樣出色，就咁煎鵝肝連埋紅酒煮過嘅梨片盛上又薄又脆嘅脆包食，味道可以話係無懈可擊，不過就比棒棒版少咗特色就是😗呢度主菜方面選擇唔多，二
店如其名呢度主力做tapas為主，冷熱夾埋都有十幾款，而且好多都好過癮，當中有兩款一凍一熱係超鐘意，冷盤代表有棒棒鵝肝，鵝肝係蒸完再搓成丸雪凍，食落個質地有啲似truffle chocolate咁微軟心，味道當然係好重嘅鵝肝味啦，不過同時有啲開心果碎同黑椒碎之類沾到鵝肝上，食落好惹味，同埋唔知點解我同朋友都食到少少類似鹹蛋嘅感覺😂
至於熱盤代表就係西班牙薯仔蛋餅，呢度個蛋餅同傳統嘅唔同，依香港人喜好而改良成流心效果，流出嚟嘅薯仔粒同蛋汁再加埋餅上嘅蛋黃醬同紅椒粉等超惹味✨
其他tapas有慢煮八爪魚，好少見到連八爪魚都有得慢煮，比起平時食嘅質地多咗份軟滑感，味道都好有鮮味，連埋鮮茄蓉微酸感覺開胃😗
烤紅蝦聽聞係店家得意之作，味道好香口，特別係個蝦頭，連我呢個本身對熟蝦冇乜興趣嘅都想啜多兩下🤣
仲有一款鵝肝脆包同樣出色，就咁煎鵝肝連埋紅酒煮過嘅梨片盛上又薄又脆嘅脆包食，味道可以話係無懈可擊，不過就比棒棒版少咗特色就是😗
呢度主菜方面選擇唔多，二選一揀咗霹靂蜜糖烤春雞，食落又真係幾霹靂😂 春雞應該係慢煮過先至再作烤製，肉質完全係有齊慢煮嘅特性，超級滑溜彈牙同時又保留到肉汁響裏面，至於醬汁好有香料味，同烤雞好夾✨
最後私心推一下呢度個水果茶啫喱，水果茶就飲得多，但冇諗過可以整做啫喱，雖然茶味唔算好濃郁但都食得出有響度，而且加咗超多雜莓酸酸甜甜咁夏天食真係一流超鐘意😍
張貼
