影片
更多
2022-10-19
31 瀏覽
呢間雞翼山，最初喺黃埔開嘅時候已經聞名不如見面，試過一次！仲記得佢個玫瑰雞翼真係好難忘🥺近呢一排好似越開越多，今日經過旺角T.O.P商場，有得外賣自取，就帶咗啲返去俾爹哋媽咪試吓啦🥰本身以為餐廳係商場入面，不過佢係好似其他手搖飲品咁樣嘅外賣舖頭，座位堂食有三四個。叫咗一個不要儀態一人C餐($58):兩件玫瑰雞翼，鰻魚片天婦羅，明太子無骨雞翼croffle包配飲品。天婦羅正正常常，起碼都係即叫即炸，始終佢哋嘅賣點都係雞翼。Croffle包略嫌有少少細，一啖間落去嘅時候下面啲餡都會擠晒出嚟，雞翼本身都有調味，配上菠蘿生菜同明太子醬，感覺都幾新穎。個人都係prefer佢哋嘅主打菜。可以自選三種口味，共12件雞翼+飲品($128): 1. 文青風玫瑰雞翼- 呢個係佢哋主打，食落去甜甜地，雖然有少少玫瑰花瓣做點綴，但係食落去蜜糖真係有淡淡嘅玫瑰味。甜得來唔會覺得死甜，反而係慢慢食到玫瑰嘅香，一家大細都應該會鍾意。2. 港式咸檸七雞翼- 七喜味就無乜啦，不過係食到檸蜜嘅甜，都幾清新，唔會太酸。如果玫瑰適合女仔，呢個男仔應該都會鐘意。3. 泰式冬蔭酸辣雞翼-顏色明顯唔同，帶少少橙紅色，較其他款色乾身
本身以為餐廳係商場入面，不過佢係好似其他手搖飲品咁樣嘅外賣舖頭，座位堂食有三四個。
叫咗一個不要儀態一人C餐($58):兩件玫瑰雞翼，鰻魚片天婦羅，明太子無骨雞翼croffle包配飲品。天婦羅正正常常，起碼都係即叫即炸，始終佢哋嘅賣點都係雞翼。Croffle包略嫌有少少細，一啖間落去嘅時候下面啲餡都會擠晒出嚟，雞翼本身都有調味，配上菠蘿生菜同明太子醬，感覺都幾新穎。個人都係prefer佢哋嘅主打菜。
可以自選三種口味，共12件雞翼+飲品($128):
1. 文青風玫瑰雞翼- 呢個係佢哋主打，食落去甜甜地，雖然有少少玫瑰花瓣做點綴，但係食落去蜜糖真係有淡淡嘅玫瑰味。甜得來唔會覺得死甜，反而係慢慢食到玫瑰嘅香，一家大細都應該會鍾意。
2. 港式咸檸七雞翼- 七喜味就無乜啦，不過係食到檸蜜嘅甜，都幾清新，唔會太酸。如果玫瑰適合女仔，呢個男仔應該都會鐘意。
3. 泰式冬蔭酸辣雞翼-顏色明顯唔同，帶少少橙紅色，較其他款色乾身，唔會見到有冬陰功醬喺雞翼上面，都會見到有幾條香茅。微辣而且惹味，不過都係停留係表皮，入面就唔會feel到。
總結:個人嚟講都係鍾意佢哋文青風玫瑰雞翼，呢種味道喺出邊冇試過，雖然本身都好多選擇，今次試過左嘅呢三款入面，自己都係鐘情佢哋主打，未試過嘅可以一試。
張貼
