飯廳 (已結業)

昨日約咗friend响荷李活廣場睇戲，睇完戲就响商場內食晚飯。其實都時常經過，但未曾食過，結果就提議一試。入內即刻有位，環境唔錯坐得舒服，重有live music。佢有set dinner，大約七＋至九十蚊不等，包餐湯、餐包、主菜、甜品和餐飲。但我又唔想食咁飽，最終就叫咗一個set dinner另散叫意粉加飲品。1) 炸軟殼蟹天使麪($48): 炸軟殼蟹唔油，而天使麵都好好味。2) 椰林飄雪($28): 其實同Pina Colada差不多，不過冇酒精成份。椰汁味好重加上有菠蘿汁味，不太甜，都幾好飲。Set Dinner:餐湯係南瓜忌廉湯，但朋友話完全冇南瓜味，不過都尚算creamy。主菜係三文魚意粉，三文魚好味又有口感，不過朋友唔太鐘意因為個白汁太重芝士味。甜品係cheese cake，味道不過不失。餐飲要咗凍檸茶。總括來說食物都ok，環境好、價錢大眾化和service好，值得介紹朋支嚟試。