Spark Bar & Restaurant (已結業)

在openrice睇完呢間餐廳評分幾高,係中環行完街就黎到食晚飯,位置係中環雲咸街樓上店,餐廳既裝修好似一間酒吧,燈光暗暗,好有情調,適合情侶燭光晚餐,座位十分寬敞,每枱之間也有適當的空間，有足夠空間與朋友傾計,還有一個小型舞台。服務十分貼心，一坐低就先上送上麵包,附上橄欖油。店員的服務態度很好，為我們介紹各種菜式。好鐘意食蘑菇既我點左個炒蘑菇,牛油味香濃。黎到呢度當然要試試慢煮伊比利亞豬鞍,呢個煮得十分出色,豬鞍煮得嫩滑多肉汁,底下既南瓜蓉口感一流,好清甜。甜品點左個Tiramisu,外形與平時食開一件件挺身既唔同,食落有點入口即溶既感覺,咖啡酒味同忌廉芝士味控制得岩岩好。