伙食工業 (已結業)

住左係火炭感耐終於有機會試下呢間伙食工業 入到去有人彈完結他唱緊歌 仲要唱得唔錯 超有情調  而且店內裝修十分有格調 好適合三五知己去吹吹水食個飯  今日我哋兩個人叫左一個部隊鍋share 另外加多左配料即係有多一個面 都夠飽嘅 首先要讚下個湯好濃味 有小小似辛辣面個湯底 入面有東菇 南瓜等配料因為個火比較細 所以煲耐左D料好入味由於呢個煲有D似打邊爐 所以大部分食物味道都可以自已控制整體食物材料都算新鮮 但係服務質素就差左啲 咁大個全只有兩個員工 等左好耐先落到單 仲要自己去拎水 但總體來講 食環境都係好唔錯嘅選擇