LaVilla TST (已結業)

為咗慶祝爸媽結婚週年紀念，特地去試衣間餐廳。餐廳比我想像中容易book，三個星期前book仲有大把位。星期六的午餐係做semi buffet. 可以就咁食semi buffet或者加埋個主菜。只食semi buffet 就收$138。麵包分量絕對唔少，焗得都幾香脆，配上橄欖醬，更加美味。個椰菜花湯都幾creamy。Salad bar 都幾豐富，有煙三文魚沙律，吞拿魚沙律，薯仔沙律，各款火腿肉類同菜等等。除咗豐富，味道都各有特式，吞拿魚沙律嘅半熟吞拿魚尤其出色！個主菜嘅Size都唔細。總共有四粒帶子，剛好每人一粒。帶子生熟剛好，非常滑，而且個意粉都幾彈牙。剛牛都好得，煮得一啲都唔un, 仲好有牛香。個魚就令人有啲失望。肉質有啲實，亦食唔出個鮮味。甜品當中自家製雪糕最好味同有心思，其他都偏甜。個焦糖燉蛋就整得有啲實。餐飲竟然可以揀朱古力，真係估佢唔到，杯朱古力非常香濃，雖然甜咗少少，不過都幾好味！