火間土 (已結業)

當日即興諗住夜晚搵朋友食晚飯~我地大家都好鐘意周圍試下又鐘意食日本野,於是就諗起佢喇-->火間土!!其實都知哩間野好多人,所以都係試下book唔book到位,點知出奇地即晚都有位我地7:00pm準時去到,去到比我個感覺係裝飾得好日本風,d位唔會好逼,仲有近窗邊箱房可以睇到海景tim!!!一坐底,當然即時睇餐牌揀野食啦,我地2個不嬲都係睇闊肚窄之人,所以照舊會叫好多野食!!估唔到咬落去入面係年糕,怕滯既朋友就唔好叫喇~我地想食魚但又唔想叩太大年,可以叫串燒,我地叩左鲭魚同銀雪魚~銀雪魚超滑又多汁,下次一定會叫成年黎食!!:mad可以選擇三款或五款刺身,我地就叫三款~三文魚,甜蝦,帶子,都算新鮮,ok啦!哩個焗飯真係一流,好正!!好香濃既芝士可以拉到長一長,嘩,岩晒鐘意芝士既我呀份量唔係太多,因為個碟好淺架咋~燒三文魚腩壽司ok,因為我食過更加好食既,而鵝肝壽司就好一般,唔夠熱哩個卷好特別,外面脆卜卜,入面有少少辣~七味北寄貝,唔太特別,唔會再叫黎食!好豪咁叩左一板稷食,都幾新鮮,唔錯!