女人街食飯公司

營業中

休息中

今晚同part time同事一齊去食大排檔。呢間環境乾淨企理，服務週到，而且食物質素又好。留意有加一服務費。黑松露厚蝦多士$28一件，至少要叫三件。呢個蝦多士必食，炸到卜卜脆，欣賞塊多士有一定既厚度，甘先有咬感，蝦大大隻，同甜甜地既黑松露醬一齊食好夾。屋村三鮮有墨魚、鴨腎、豬生腸，口感爽口，涷涷地，送酒一流。曼谷咸魚炒芥蘭唔會好鹹，芥蘭都新鮮，唔錯。頭抽鮮牛肉炒河即係乾炒牛河，夠鑊氣，牛肉唔韌，幾好食。大叔焗魚腸我未食過，所以特登叫架。食落一啲都唔腥，除咗有嫩滑既蛋，仲有魚腸、潤同少量薑絲，好有飽肚感，幾特別。藍妹啤酒用飲勝碗裝，好正。