Lagom Kaffe (已結業)

今日去觀塘食西餐，餐廳叫做Lagom Kaffe，喺觀塘海濱公園附近，環境清幽，仲有一個戶外嘅環境，可以帶毛孩去食飯，絕對係一個唔錯嘅地方。-台北燉牛肉意粉 微辣意粉煮得啱啱好，口感一流，牛肉份量夠多，一啲都唔吝嗇，醬汁非常特別，麻麻辣辣，幾開胃，令人食慾大增，每一條意粉都充分吸收及沾上麻辣醬汁，非常惹味。牛肉亦煮得恰到好處，唔會太熟，牛肉味濃郁。-白酒炙燒奶油三文魚意粉三文魚皮煎得非常香口，魚油非常豐富，除咗三文魚柳，仲有大量碎三文魚肉一齊伴意粉食，奶油醬汁味道夠濃郁，加埋白酒增加香氣，味道更加提升。-炸泰式意大利飯佐莎莎醬趣味十足嘅一道菜，將意大利飯炸成一個個波波，又唔需要食得太多，一小口，作為餐前小食真係剛剛好。-評分 : 7/10