影片
更多
2021-01-27
220 瀏覽
餐廳名相當正🥳一間好多玻璃燈裝修靚靚岩哂打卡🤘🏻食物賣相精美、平時好少見嘅土耳奇菜，味道亦幾好食好岩我哋港人口味😙我係限聚令之前(都有一段時間了😢)嗰陣同朋友成班一齊食所以叫咗好多款式食物，餐牌幾乎俾我哋試暈哂，miss miss🥺.👓乳酪黃咖喱雞 配中東皮塔餅/中東香草飯 $126黃咖喱吾辣，主要食到加左好多吾同香料烹調而成，有少少印度咖喱味。都係有薯仔三色椒，面頭淋上少少椰汁。叫左個中東皮塔餅，質感唔係印度薄餅嗰啲油鬆酥脆，偏似硬實嘅黃油餅，唔可以話係硬嘅，係偏乾身餅狀，沾咖喱食都吾錯嘅。評分：7.5/10 中東皮塔餅(6/10）👓秋葵燴羊肉 配中東皮塔餅/中東香草飯 $136羊肉煮得幾淋吸晒香料味，醬汁其實同上面個黃咖喱有少少似純粹係少左個咖喱香辣味。聽到有秋葵可能會驚，但由於吸晒香辣醬汁味所以好容易入口好惹味，質感少少爽口又唔會太淋！中東香草飯係偏乾身而散，完全唔係平時亞洲人食嘅白飯咁一粒粒黏口，一拎上手就好散，其實可能只係我哋食吾慣😂評分：7.5/10 中東香草飯(5.5/10）👓牛肝菌野菌意大利飯 $146好夠菇菌，但唔太明顯食到牛肝菌香味，意大利飯正常，唔會煮到太生，反而
我係限聚令之前(都有一段時間了😢)嗰陣同朋友成班一齊食所以叫咗好多款式食物，餐牌幾乎俾我哋試暈哂，miss miss🥺
.
👓乳酪黃咖喱雞 配中東皮塔餅/中東香草飯 $126黃咖喱吾辣，主要食到加左好多吾同香料烹調而成，有少少印度咖喱味。都係有薯仔三色椒，面頭淋上少少椰汁。叫左個中東皮塔餅，質感唔係印度薄餅嗰啲油鬆酥脆，偏似硬實嘅黃油餅，唔可以話係硬嘅，係偏乾身餅狀，沾咖喱食都吾錯嘅。
評分：7.5/10 中東皮塔餅(6/10）
👓秋葵燴羊肉 配中東皮塔餅/中東香草飯 $136羊肉煮得幾淋吸晒香料味，醬汁其實同上面個黃咖喱有少少似純粹係少左個咖喱香辣味。聽到有秋葵可能會驚，但由於吸晒香辣醬汁味所以好容易入口好惹味，質感少少爽口又唔會太淋！
中東香草飯係偏乾身而散，完全唔係平時亞洲人食嘅白飯咁一粒粒黏口，一拎上手就好散，其實可能只係我哋食吾慣😂
評分：7.5/10 中東香草飯(5.5/10）
👓牛肝菌野菌意大利飯 $146好夠菇菌，但唔太明顯食到牛肝菌香味，意大利飯正常，唔會煮到太生，反而忌廉汁底都做得幾creamy入味，當中有蘆筍，面頭灑上大量芝士碎🥳
評分：7.5/10
👓香煎鮮帶子黑松露扁意粉 $148 有兩大粒香煎帶子，都煎得香口不過不失，忌廉汁底有淡淡黑松露味唔算非常香濃明顯，但個汁唔算好creamy好漏，如果鍾意creamy rich口感嘅人就可能覺得少稀，驚滯嘅人就會覺得剛好。
評分：7/10
👓香草去骨燒春雞 $168賣相整到有少少似雞扒，但其實佢係春雞所以係好大塊好厚，煎得個皮好香脆肉質係滑嘅，可能係土耳其食物好着重香料調味，所以舊雞都好夠味。有少少蔬菜伴碟。整體係好食嘅不過又覺得好似唔太值呢個價錢🤔
評分：7/10
👓無花果石榴沙律 $65賣相紅卜卜好靚，有一片片無花果、紅石榴粒粒，無花果味道幾新鮮而紅石榴味道酸甜，配上少少芝士碎、乳酪醬同沙律菜底夠夾。
評分：7.5/10
👓中東串燒 雞/羊各2串 配中東皮塔餅 $168 總共四串，每一串都夾雜住三色椒同五大粒肉，肉質唔韌但又未稱得上係嫩滑，稍為乾左少少唔算好juicy可能因為肉粒唔算好多脂肪位，不過醃料係好夠味明顯用咗好多香料，羊質感同味道比雞好食，伴有乳酪醬可以沾串燒食。
評分：7/10
👓小食串燒 雞/豬各3串 $58總共六小串，當然肉量比主菜嘅大串燒少亦少咗嗰啲三色椒洋蔥配菜，價錢亦係兩回事，不過作為一個啖啖肉無菜嘅小食都吾錯。
評分：7/10
張貼
