熺會館

營業中

休息中

之前都聽身邊嘅朋友講呢度既打邊爐非常之好味😋但係之前都非常忙，一直都冇時間去試，今日終於都難得放假，於是我就同朋友一齊去見吓佢既廬山真面目，果然真朋友係無介紹錯既！🥰入到嚟見到嘅裝修係比較傳統嘅，有好多中國嘅古代建築特色！佈置同環境都非常之古色古香！咁我哋欣賞完一輪之後就坐低開始嗌嘢食啦！😄我地先點左個鴛鴦湯底🍲佢有呢個川式麻辣鍋同埋蕃茄薯仔牛腩鍋！兩個鍋既味道都好出色，應辣得辣，應鮮甜得鮮甜！仲有呢個湯底最特別之處係我地淥完好多野食之後，個湯度仍然保留到個辣味同埋蕃茄同牛腩嘅香味！😍呢度每樣食物都好好食！熺會鳳尾蝦多士🍤炸非常香脆，蝦肉彈牙仲有濃郁既黑松露，好好食！😊黃金沙炸魚皮🐟亦炸得卜卜脆，淥完唔會腥唔會冧！👍仲有個脆炸美味午餐肉！🐽佢絕對唔係一般平價貨，而係非常高質，咬落去有啖啖新鮮豬味！😋當然最後不得不提既係個碟鮮雞子🐤鮮甜肥味到不得了！我地食完一粒又一粒！