影片
更多
2010-07-29
1 瀏覽
去尖咀做野，見到新商場，就入去湊熱鬧。不過坦白講，都幾唔好行，每一層都好細，坐扶手電梯都轉到暈，同埋四樓原來唔係上四層電梯就係，而係上左七八層先到，做咩野學左天匯咁跳層﹖高個幾層既餐廳就唔知，低層餐廳既感覺都幾削，最驚訝係見到易牙妙手﹗我以為無晒啦添。行到去呢層，有少少累，就揀左呢間北海道Gelato，試下啦，感覺如下﹕雪糕口味﹕好少，得十來款，有一半既格都係吉既。妹妹侍應﹕幾靚，不過個個都好驚青咁。味道﹕質感超硬，其實望到班妹妹出盡力咁「筆」雪糕球，重有人要換手，都知質感有番咁上下實淨。味道偏甜，可惜除左甜之外，亦都無咩味，朱古力無朱古力味，開心果無開心果味，好似食緊忌廉咁。環境﹕幾好坐，夠寬落。行到累坐下都好，真係好想食雪糕就唔係太想去囉。
高個幾層既餐廳就唔知，低層餐廳既感覺都幾削，最驚訝係見到易牙妙手﹗我以為無晒啦添。
行到去呢層，有少少累，就揀左呢間北海道Gelato，試下啦，感覺如下﹕
雪糕口味﹕好少，得十來款，有一半既格都係吉既。
妹妹侍應﹕幾靚，不過個個都好驚青咁。
味道﹕質感超硬，其實望到班妹妹出盡力咁「筆」雪糕球，重有人要換手，都知質感有番咁上下實淨。味道偏甜，可惜除左甜之外，亦都無咩味，朱古力無朱古力味，開心果無開心果味，好似食緊忌廉咁。
環境﹕幾好坐，夠寬落。
行到累坐下都好，真係好想食雪糕就唔係太想去囉。
張貼