七重天餐廳 (已結業)

跑完渣打馬拉松10公里,消耗晒D體力,係時候開餐補充番了! 銅鑼灣一帶的食肆定必好多人,所以我同老公及友人一行5人就由天后一路行一路搵食,直至行到呢間餐廳. 當時未夠9點,店內只得2個食客,大家都有點猶豫點解會無咩人,但同時間又被門面及店內裝修所吸引,所以決定一試!我叫咗沙嗲牛肉出前一丁,一上枱就聞到好香la,牛肉份量都唔少,底仲有一層,肉質鮮嫰,不錯! 而老公嗰set早餐就有脆脆豬仔包+煎雙蛋+薯角+牛扒,樣樣有D,啱晒佢,咁多嘢食都係$32,抵!食物不錯,環境舒適,價錢又唔貴(不用加一),有機會再嚟試下其他嘢食先!