藍象泰國餐廳 (已結業)

上次比人放左一身血！今次仲唔輪到佢比我放反幾餐血！！！今次佢book左間泰國野！先講下環境 暗暗到仲有得望住個海 聽住純音樂！約會確實係幾好！！算佢識做！叫左大虾冬陰公湯 小食拼盤 青咖喱牛肉 鬆餅 蒜蓉包 椰皇黑米！湯上枱會有粒蠟燭幫個湯暖住佢！！冬天d野凍得特別快！好貼心！！湯酸甜辣個比例都幾好 唔會其中一面太搶！！虾又唔梅 少少彈牙！幾開胃！小食拼盤！ 串燒加埋沙爹！正！個虾肉件（？） 炸得唔錯！脆！又有虾味！又唔死實！蒜蓉包！正常野！鬆餅 唔油 幾好 點咖喱幾夾！青咖喱牛肉！唔太辣 又夠香！餸飯果一流！椰皇黑米！對我黎講都算一個新發現！有椰香 幾好！！今次算男友識做合格啦！！不過仲有幾餐要食佢！！嘿嘿！！