影片
更多
2019-08-18
21 瀏覽
話說老公之前工作上有啲唔開心，喺屋企又會被一大堆家庭事分散左注意力，都無咩機會好好地俾個機會佢呻下。所以呢晚就約左佢收工之後，去到中環SOHO區嘅一間樓上BAR，談談情，說說愛。當晚我都遲左去，去到剛好係晚餐時間。呢度唔似平時去浦果啲BAR咁嘈，亦無煙味，所以坐得都幾自在。好岩幾個好姊妹/ 同另一半黎傾下心事。呢間BAR有兩個的色打卡位，一個就係自成一角嘅AREA，好似包廂咁，落左簾之後，私隱度都唔錯架，仲可以望到街景添。至於另一個打卡位，就係呢個放滿左好有價值嘅酒櫃喇。不同嘅酒，不同年份，不同國家都有，仲有啲係香港限量版，或者係全球數量限定添。再講下呢度嘅食物，以一間BAR黎講，我真心覺得佢地嘅野食好得。先講下我嘅心水推介先1. 咸蛋炸雞皮（每日限量發售，售完即止）我自己本身唔食魚皮嘅，所以平時最多都係食到咸蛋薯片，雖然好食，但都會想食下新野架嘛。面今日呢個炸雞皮就真係俾到驚喜我地。首先啲雞皮係新鮮炸起，脆卜卜。再加埋濃郁嘅咸蛋香氣，真係令人欲罷不能。2. Wasabi 芝士魷魚仔平時食壽司都有食過芥末節爪魚，今日呢個小食係有果種感覺，但係有更多層次同口感。首先啲魷魚仔細細隻，一口一
所以呢晚就約左佢收工之後，去到中環SOHO區嘅一間樓上BAR，談談情，說說愛。
當晚我都遲左去，去到剛好係晚餐時間。
呢度唔似平時去浦果啲BAR咁嘈，亦無煙味，所以坐得都幾自在。好岩幾個好姊妹/ 同另一半黎傾下心事。
呢間BAR有兩個的色打卡位，一個就係自成一角嘅AREA，好似包廂咁，落左簾之後，私隱度都唔錯架，仲可以望到街景添。
至於另一個打卡位，就係呢個放滿左好有價值嘅酒櫃喇。不同嘅酒，不同年份，不同國家都有，仲有啲係香港限量版，或者係全球數量限定添。
再講下呢度嘅食物，以一間BAR黎講，我真心覺得佢地嘅野食好得。先講下我嘅心水推介先
1. 咸蛋炸雞皮（每日限量發售，售完即止）
我自己本身唔食魚皮嘅，所以平時最多都係食到咸蛋薯片，雖然好食，但都會想食下新野架嘛。
面今日呢個炸雞皮就真係俾到驚喜我地。首先啲雞皮係新鮮炸起，脆卜卜。再加埋濃郁嘅咸蛋香氣，真係令人欲罷不能。2. Wasabi 芝士魷魚仔
平時食壽司都有食過芥末節爪魚，今日呢個小食係有果種感覺，但係有更多層次同口感。
首先啲魷魚仔細細隻，一口一啖，SIZE岩岩好。WASABI味道足夠，而中間仲夾左一小片芝士，剛好中和左Wasabi 嘅嗆辣。
3. 火焰雞皮卷虎蝦
呢一道小食唔單止滿足味覺，仲能夠滿足視覺。皆因上菜時，會用火槍點著虎蝦，火焰令卷住虎蝦嘅雞皮帶來脆皮嘅口感。4. 雙式豆腐 （新疆/柚子）
我自己本身就唔食豆腐嘅，但係呢道小食似乎令我對豆腐帶一點改觀喎。
皆因呢個豆腐，出面帶有一層好似豆卜果層油炸過嘅皮，再灑上新疆風味嘅孜然粉 同埋 和風口味嘅柚子粉用黎做佐酒小食，認真不錯
5. 脆炸雞軟骨
雞軟骨無乜特別，可取之處係加左啲紫蘇葉一齊炸，令雞軟骨多了一種香氣。6. Bourbon Burger
呢個BURGER份量十足，除左有厚厚的一片安格斯牛之外，仲加入左Orange and Cherry Jam，仲有芝麻籽。畢竟都係晚餐時間，小食都唔夠飽架嘛，有個BURGER 落肚，感覺實在好多。
7. Seasonal Fruit Platter
食左咁多香口炸物，難免有點罪疚感，所以就點左呢個FruitsPlatter，中和一下。
總共有4款，包括無花果，杏埔，車喱茄會根據當時有咩時令水果而決定
至於飲品方面，由於我有餵人奶嘅關係，所以我就點左兩杯無酒精飲品。
分別係Pineapple-Hibiscus 同埋 Rosemary Pomegranate Fizz
前者較易入口，帶點LIMEJUICE同Pineapple shrub 混合嘅酸甜感覺，很適合女生。
後者有Rosemary嘅味道，未必個個人都喜歡，但入面加入左無酒精嘅Sparkling wine，可以略為滿足一下想飲酒又不能飲的女生。哈哈哈。。。
******************************有一樣野好欣賞嘅就係員工嘅服務態度，真係好好。
畢竟我地係第一次黎，對餐牌上嘅食物都唔係好熟悉
但係店員會逐一介紹，仲會問下我地嘅口味，再去作出相應嘅推介
真係要俾個LIKE佢地
張貼
