BASAO tea (月街)

營業中

休息中

原來而家已經專注做茶，冇左加奶既茶飲了。當日星期五下午去到，都有兩枱客人。環境清靜，店員有禮溫柔介紹，但略嫌座位模式同飲茶唔多配合。兩個人叫左兩個手沖茶+2 件蛋卷蛋捲size都真係幾迷你，係傳統用茶葉加落去甜品入面，令佢帶有茶味，但cream 甜味太突出，兩件蛋捲嘅茶味都唔算明顯，但蜜香紅烏龍會比較好。茶品送上會配上一張飲茶簡介，有一杯水俾你清味蕾。仲配上一件疑似係微熱山丘嘅鳳梨酥。坐正喺沖茶師前面，見到佢嘅沖茶手法唔算純熟，用公式化嘅計時器計算出茶時間，照計唔會有錯。但兩款手沖茶口感不算順滑，見到佢都接近兩三分鐘先出茶。 之前去茶藝師學茶，一般都係30秒出茶，唔知係唔係同茶種有關係。兩款手沖茶單欉比較好飲，有花香味。環境寧靜，如果一個人想有咖啡以外既選擇，去休息一陣飲杯野，呢間鋪頭都係一個另類既選擇。