不倒翁中日火鍋料理

營業中

休息中

今晚約咗朋友食飯，諗住搵間大家就腳既餐廳，可以坐得舒服，又可以慢慢食。於是朋友就book左間佢試過既火鍋店<不倒翁中日火鍋料理>火鍋店位置超級方便，佐敦地鐵站A出口行多幾步就到。由於朋友剛剛病好，所以今次我地叫得比較清淡，無叫到海鮮同刺身等。首先我地叫左椰青雞鍋。每次打邊爐，我都鍾意落食物前先試試湯底，品嘗湯底最原始既味道，今次亦都唔例外。等了約五分鐘，湯底滾起了！一開蓋，就聞到非常濃郁既椰子味，再試試湯底，味道清甜滋潤又惹味，我同朋友都忍唔住飲了一碗湯底！品嘗完湯底後，我地就開始落雞肉，一開始以為係冰鮮雞，但原來係新鮮雞，所以煮熟後既雞肉特別皮滑肉嫩，而且沒有雪藏味，口感彈牙而不韌，值得一試至於火鍋食材，又點少得靚牛。我地另外叫左一盤金牌手切肥牛。肥牛比想像中高質，每一塊肥牛都係薄切，肥瘦平均，食落肉質鮮嫩，入口即溶，食完仲有淡淡既牛肉香味停留口內另外想讚讚餐廳出單速度快，而且唔會漏單。我地另外叫左粟米、金菇、韭菜餃同油麥菜等，全部份量比想像中多，而且新鮮送到，無雪藏味，絕不馬虎雖然我地今次散叫，不是套餐，但餐廳好好人，每人都有個糕點作甜品呢！今餐食得非常滿足，重點性