鶴崎居酒屋 (已結業)

呢間居酒屋，雖然地方距離地鐵站有少少遠，但係環境唔錯夠闊落同靜，真係坐得好舒服，最重要係嘢食真係唔錯。✨豚肉鍋：塊豚肉真係好好味，邊位帶點肥膏食落好香又唔鞋，點埋胡麻醬更加正。配菜吸收晒湯底既味，再追加左碗白飯夠晒飽。✨雞翼：燒得好香外皮微微脆，d 肉一啲都唔乾仲keep 到有肉汁。✨三文魚腩：食落好肥美嫩滑，不過落鹽重手左，好彩有碗白飯可以送口✨京蔥雞肉稻庭烏冬：個湯望落好清但清得黎又好夠味，烏冬超滑超彈牙，而且索晒湯底嘅味。油揚加上京蔥真係好鬼香，雞肉份量都幾多。呢碗烏冬雖然看似簡單，但唔知點解我真係幾鍾意。✨燒廣島蠔： 蒜蓉夠香夠晒多，隻蠔好鮮甜又嫩滑，真係好好味。