The Stadium (已結業)

尋晚同姐姐行街之後嚟咗呢度食飯呢度係以運動做主題嘅地下有d跑道同運動埸圖案佈置得新潮又有活力仲有好多部電視直播唔同嘅體育賽事體育迷一定好鐘意而且仲有飛標、桌球玩呢度地方好大坐得舒服肉丸意大利粉上面有好多新鮮嘅火箭菜同蕃茄肉丸超大粒肉味香濃配埋意粉個酸酸甜甜嘅番茄汁好開胃滋味意粉煮得夠彈牙而且醬汁入味好食！美國特級肉眼扒叫咗五成熟塊扒好新鮮食落肉質好柔軟肉味濃郁而且肉汁都幾豐富另外薯角熱辣辣好香脆好食！水牛城雞翼係我嘅至愛d雞翼勁大隻外皮炸到香脆可口裡內保持肉質嫩滑加上大量酸酸辣辣嘅醬汁煮得好入味！又開胃又惹味嘅小食配啤酒食一流呢度有得玩有得睇波飲下酒好適合同一大班朋友來