Doubleshot by Cupping Room (已搬遷) 新店位置

肺炎疫情下，少咗出街，個人都悶悶哋，週六想出去行下食下嘢。揀咗位於中環蘇豪區嘅doubleshots，享受一下休閒嘅氣氛。本身諗住下午時分應該冇乜人，點知去到嚇親，全場爆滿。等咗一陣先有位，真係好受歡迎。呢度環境好正，坐喺窗前嘅位置吹住風，望住街景好寫意。除咗咖啡、茶、果汁之外，仲有唔少酒精飲品，同埋特色cocktail，我們就試下spent martini 同rose wine，chill😍食物款式都好豐富， 分量唔算多，可以叫多啲款式試勻曬。 avocado on toast 係清新嘅選擇，多士同牛油果粒粒芒果粒等分開上，自己塗在多士上，多士都好味道，夠曬鬆。吉列黑豚三文治美味，豬肉炸得香脆，麵包亦夠鬆，上面有一啲西班牙蒜蓉醬。 千層薯條好有特色，出面未試過，每條薯條都係一層一層，口感特別。甜品嘅芝士蛋糕易令人難忘，芝士味香濃，入口滑溜。