影片
更多
2019-06-14
71 瀏覽
午市放題通常都會揀平日去， 人少啲都食得舒服啲冇咁趕急。 今日去咗油塘嘅八幡屋午市放題， 日式料理加火鍋放題 2小時任食。就喺三樓food court最入嘅位置。 揀咗美國精選牛肉套餐。飲品櫃有唔少選擇，台式和港式罐裝盒裝飲品。湯底揀咗蕃茄龍蝦湯， 酸酸地嘅蕃茄湯打邊爐係最開胃， 配任何食物都冇咁油膩。有半隻龍蝦， 渌耐咗所以唔係特別鮮甜。自助區嗰邊， 醬料齊備。 個人覺得佢嘅醬油偏甜。採用電子餐牌， 點食物都非常方便， 不過先要download佢個apps。先叫咗一round 熟食, 串燒, 刺身同壽司。刺身正常， 赤貝唔腥。 三文魚未完全解凍，凍到牙骹都軟～～ 甜蝦都唔錯。軟殼蟹軍艦， 紫菜夠脆。 一口壽司夠曬迷你， 一啖啱啱好。串燒方面 沒有太大驚喜， 一口蕃薯軟熟夠甜， 多春魚瘦到差啲變魚乾，而最主要係唔夠熱～～丸類，蔬菜都擺放喺自助區， 午市過後都冇再補貨， 每款食物都比較凌亂。。 還好 蔬菜夠嫩綠。肉類方面，美國精選牛肉中規中矩， 切得透薄， 唔算嚡。 反而豬腩片肉質滑又带甜，少少肥膏夠甘香！海鮮火鍋料， 蜆冇沙， 蟶子反而有少少沙， 海蝦最鮮甜又夠大隻。 迷你花膠都唔錯，
午市放題通常都會揀平日去， 人少啲都食得舒服啲冇咁趕急。 今日去咗油塘嘅八幡屋午市放題， 日式料理加火鍋放題 2小時任食。
就喺三樓food court最入嘅位置。 揀咗美國精選牛肉套餐。
飲品櫃有唔少選擇，台式和港式罐裝盒裝飲品。
湯底揀咗蕃茄龍蝦湯， 酸酸地嘅蕃茄湯打邊爐係最開胃， 配任何食物都冇咁油膩。
有半隻龍蝦， 渌耐咗所以唔係特別鮮甜。
自助區嗰邊， 醬料齊備。 個人覺得佢嘅醬油偏甜。
採用電子餐牌， 點食物都非常方便， 不過先要download佢個apps。
先叫咗一round 熟食, 串燒, 刺身同壽司。
刺身正常， 赤貝唔腥。 三文魚未完全解凍，凍到牙骹都軟～～ 甜蝦都唔錯。
軟殼蟹軍艦， 紫菜夠脆。 一口壽司夠曬迷你， 一啖啱啱好。
串燒方面 沒有太大驚喜， 一口蕃薯軟熟夠甜， 多春魚瘦到差啲變魚乾，而最主要係唔夠熱～～
丸類，蔬菜都擺放喺自助區， 午市過後都冇再補貨， 每款食物都比較凌亂。。 還好 蔬菜夠嫩綠。
肉類方面，美國精選牛肉中規中矩， 切得透薄， 唔算嚡。 反而豬腩片肉質滑又带甜，少少肥膏夠甘香！
海鮮火鍋料， 蜆冇沙， 蟶子反而有少少沙， 海蝦最鮮甜又夠大隻。 迷你花膠都唔錯，夠厚身。 生蠔 墨魚滑都冇，可惜！
全晚最讚嘅係佢嘅讚岐烏冬， 夠曬滑溜！
最後當然唔少得嘅係飯後甜品， 經典紅豆雪糕杯。
張貼
