影片
更多
2022-08-04
2710 瀏覽
晚市食佢哋嘅90分鐘放題。食貴啲嗰個。有海膽，吞拿魚同埋三文魚子壽司無限食。埋單計埋+1 ，每人$725. 首先入面嘅環境真係非常之狹窄。成間舖頭只係可以坐到幾台客，有三個侍應同埋兩個壽司師傅。入到去,係有少少嚇親嘅。冇諗過咁細。不過都唔緊要啦，最緊要嘢食好味姐。一坐低，佢哋就會比一盤set我哋。食完之後就可以寫紙仔要自己想再追加嘅嘢。第一個set來得好快。跟住我哋就寫紙仔啦。寫完紙仔等咗半個鐘都冇任何壽司上到俾我哋。但係眼見其他比我哋遲入座更加係遲交紙仔嘅客人已經紛紛上左好幾次壽司。有一台起碼上咗50件壽司以上，但都未輪到我哋。已經又肚餓又冇耐性嘅我哋，開始炆憎。同侍應反映咗幾次，都係遲遲未有壽司。$725一位，限時90分鐘，有30分鐘係冇嘢食嘅。唔嬲嗰個先至奇啦。其中一個比較有經驗嘅侍應話原來有個侍應係新來嘅。可能佢唔識得入紙仔，所以我哋之前點嘅壽司根本就冇入到電腦，壽司師傅當然就冇整到任何一件壽司俾我哋啦。但我哋吹咗幾次佢哋先至發現到呢個問題。但係有經驗嘅嗰個侍應都非常之有耐性同有禮貌，幫我哋快快入紙仔，同埋安排我哋嘅壽司做先。雖然頭嗰大半個，一肚氣，但後尾都係食得飽嘅。之後一直
首先入面嘅環境真係非常之狹窄。成間舖頭只係可以坐到幾台客，有三個侍應同埋兩個壽司師傅。入到去,係有少少嚇親嘅。冇諗過咁細。不過都唔緊要啦，最緊要嘢食好味姐。
一坐低，佢哋就會比一盤set我哋。食完之後就可以寫紙仔要自己想再追加嘅嘢。第一個set來得好快。跟住我哋就寫紙仔啦。寫完紙仔等咗半個鐘都冇任何壽司上到俾我哋。但係眼見其他比我哋遲入座更加係遲交紙仔嘅客人已經紛紛上左好幾次壽司。有一台起碼上咗50件壽司以上，但都未輪到我哋。已經又肚餓又冇耐性嘅我哋，開始炆憎。同侍應反映咗幾次，都係遲遲未有壽司。$725一位，限時90分鐘，有30分鐘係冇嘢食嘅。唔嬲嗰個先至奇啦。其中一個比較有經驗嘅侍應話原來有個侍應係新來嘅。可能佢唔識得入紙仔，所以我哋之前點嘅壽司根本就冇入到電腦，壽司師傅當然就冇整到任何一件壽司俾我哋啦。但我哋吹咗幾次佢哋先至發現到呢個問題。但係有經驗嘅嗰個侍應都非常之有耐性同有禮貌，幫我哋快快入紙仔，同埋安排我哋嘅壽司做先。雖然頭嗰大半個，一肚氣，但後尾都係食得飽嘅。
之後一直都有留意新來嘅侍應，好似學咗好幾次，都未學到點樣入紙仔。所以將來其他客有冇嘢食都真係要睇運氣。
講番啲嘢食，因為已經冇咗半個鐘頭嘅時間，之後來壽司我哋都食得好急，亦都因為之前搞到心情唔好，真係唔係好食到壽司好味定唔好味。不過一定好過坊間連鎖店嘅放題。魚生嘅品質好好多，亦都好新鮮。海膽，同埋三文魚子非常之正常。拖羅就睇運氣。有啲好肥美，有啲瘦少少，不過都好嘅。
佢哋嘅炸物都好好味。雖然甜品得兩款，但係兩款都好好味。
我唔知道如果全程可以90分鐘食嘢嘅話感覺會唔會好啲。但因為我哋真係食得太急啦，唔係好品嚐/享受到壽司嘅味道。
一次就夠。
天婦羅
43 瀏覽
0 讚好
0 留言
張貼
