影片
更多
2021-05-03
209 瀏覽
天后清風街成街都係好西，不過依間餐廳位置有少少偏僻可能不太起眼好容易直行直過了😂餐廳空間唔算大，但裝修環境好舒服，走工業風墨黑色、掛上「清風徐來」書法掛牌、少許植物佈置，除咗有主食同甜品，亦有多種酒類飲品，更係狗狗friendly餐廳可以帶佢哋入去一齊食飯！不過老實講食物分量唔算好平同大碟，走精緻路線，比較啱嘆返個lunch brunch或者夜晚飲番杯cocktail配小食。👓Mussels Risotto in Lobster Sauce 龍蝦汁青口意大利飯 $148有三隻青口都鮮甜嘅，個飯比較多醬汁底，重龍蝦味帶點鮮甜，個汁幾creamy，有少許蘆筍，整體好食嘅不過未去到好突出嘅地步😂cp值唔算好高。評分：7/10👓Roasted Spring Chicken with Couscous 燒春雞配古斯米 full/$178平時一隻正常春雞嘅大細，都符合價錢嘅，因為有配上古斯米，雖然佢其實係粗麥粉，只係圓潤飽滿似米飯，但係一個好好嘅配菜加強飽肚感亦吸咗雞油香好正。雞食得出有好多調味調配，雞肉嫩滑。評分：7.5/10👓Hojicha Tiramisu Waffle 焙茶意大利芝士蛋糕窩
餐廳空間唔算大，但裝修環境好舒服，走工業風墨黑色、掛上「清風徐來」書法掛牌、少許植物佈置，除咗有主食同甜品，亦有多種酒類飲品，更係狗狗friendly餐廳可以帶佢哋入去一齊食飯！不過老實講食物分量唔算好平同大碟，走精緻路線，比較啱嘆返個lunch brunch或者夜晚飲番杯cocktail配小食。
👓Mussels Risotto in Lobster Sauce 龍蝦汁青口意大利飯 $148
有三隻青口都鮮甜嘅，個飯比較多醬汁底，重龍蝦味帶點鮮甜，個汁幾creamy，有少許蘆筍，整體好食嘅不過未去到好突出嘅地步😂cp值唔算好高。
評分：7/10
👓Roasted Spring Chicken with Couscous 燒春雞配古斯米 full/$178平時一隻正常春雞嘅大細，都符合價錢嘅，因為有配上古斯米，雖然佢其實係粗麥粉，只係圓潤飽滿似米飯，但係一個好好嘅配菜加強飽肚感亦吸咗雞油香好正。雞食得出有好多調味調配，雞肉嫩滑。
評分：7.5/10
👓Hojicha Tiramisu Waffle 焙茶意大利芝士蛋糕窩夫 $98見好多人食baby pancake但好似其實只係將普通一大塊熱香餅變成細細塊，好似🤔所以叫咗窩夫，但最後得出亦好普通😂
三塊窩夫，數字有啲奇怪呀唔係正常一個圓形有4塊嘅咩，anyway繼續~質感偏淋，唔係香脆嗰種窩夫，另有一碟焙茶汁，都有焙茶味正正常常嘅，但咦個意大利芝士蛋糕呢？窩夫塾底嗰啲cream囉，然後係咁以插少許少許士多啤梨又沈啲糖粉，搞掂起菜😇
評分：5.5/10
張貼
