哥哥添飯•妹妹泡茶

營業中

休息中

朋友在觀塘做嘢，放工後約咗佢喺觀塘搵食，見舖頭裝修很文青，嘢食都很多選擇。入到去坐低咗，環境舒適，打卡一流。餐牌上嘅台灣菜都很多種類，我哋叫咗特級牛三寶麵配杞子燙青菜、三杯醬燒豬仔骨配藜麥蝦沙律、兩杯嘢飲。特級牛肉三寶麵有牛腱、牛筋及牛舌，大大碗，材料充足，牛腱很入味，牛筋夠軟淋，充滿骨膠原、牛舌很爽口，加埋三個配菜、以及燙青菜，非常之豐富。三杯醬燒豬仔骨，三杯醬加上九重塔及紅蔥頭去烤豬仔骨，咬落去啖啖焦香味，而且很入味又不會太乾，非常之香口惹味，配上藜麥蝦沙律，非常之清新，一濃一淡，非常之夾。飲品方面有很多不同的特色飲品，我哋叫咗靚靚桃膠烏龍奶茶及雙檸蜂蜜生薑茶，第一次試桃膠配上奶茶，估唔到又幾夾，加上桃膠滋補養顏，係女士嘅不二之選。