樂舍 (已結業)

又一位於大廈樓上的食飯好選擇。餐廳裝飾日式，較日田暗既燈光，氣氛高雅。座位夠寬闊，坐得舒服。岩晒約左朋友傾計。午餐除左有套餐外，仲有石燒選擇。Lunch set包了沙律和湯。雜菜沙律，新鮮菜加沙律汁，份量也不少。石燒餐的是蘿蔔湯，清清地的味道。套餐配的是麵豉湯，味道濃。雞扒石燒套餐用熱石上桌，熱辣辣。雞扒已經烤過。可以自己控制燒幾耐，外皮燒了更加香口，又可以保持熱度。皮燒到香，少少脆身。附上醬汁，配飯食正。香蒜欖油蝦意粉意粉帶點辣味。用欖油炒香，油包住意粉，啖啖香蒜味。蝦幾新鮮，爽口。加配了杯熱榛子咖啡，凍雲呢拿咖啡。