影片
更多
2009-12-23
23 瀏覽
今晚跟已有七、八年無見既大學宿友食飯，相約到友人開設的石澗日本料理食飯聚舊，石澗座落於寶勒巷中段地牢，唔太起眼，係街頭已經放左個易拉架，指示食客位置！因為訂左位，reception帶位，行一條樓梯落去，彷彿柳暗花明又一村，環境暗暗地，都有少少高貴格局既感覺，一邊為卡位，坐到六個人左右，另一邊為四方枱同Bar枱，環境唔錯，舒服！七點未夠，人唔算太多，但到七點幾開始，就開始人多同滿座，大家去食都最好訂枱，費事撲個空！一坐低就拎order紙睇下有咩食，其實都幾齊，而家做緊放題，晚餐都只係$178，由刺身、壽司、串燒、冷盤如沙律同前菜、熱盤如牛油菇、餃子、烏冬等等，都一應俱全！首先都叫下刺身同壽司食，因為唔知黎既份量有幾多，詢問侍應姐姐，佢好好呀，叫我地想食既劃"1"就可以，佢幫我地SET返我地既份量，好體貼，咁唔怕叫得太多！刺身都好新鮮，細細件容易食，壽司飯都好味，唔會太鬆散，又唔會飯大過魚生 ^^其次必食必叫既係串燒，粟米、雞皮、雞軟骨、腎等等，應該係即叫即煮，拎到黎仲係熱哄哄架，醃得好入味，炸得亦夠火喉，又唔會炸得好油膩，好好味！而雞翼都係必叫，炸得好脆口，正！之後再order其他冷盤熱
因為訂左位，reception帶位，行一條樓梯落去，彷彿柳暗花明又一村，環境暗暗地，都有少少高貴格局既感覺，一邊為卡位，坐到六個人左右，另一邊為四方枱同Bar枱，環境唔錯，舒服！七點未夠，人唔算太多，但到七點幾開始，就開始人多同滿座，大家去食都最好訂枱，費事撲個空！
一坐低就拎order紙睇下有咩食，其實都幾齊，而家做緊放題，晚餐都只係$178，由刺身、壽司、串燒、冷盤如沙律同前菜、熱盤如牛油菇、餃子、烏冬等等，都一應俱全！
首先都叫下刺身同壽司食，因為唔知黎既份量有幾多，詢問侍應姐姐，佢好好呀，叫我地想食既劃"1"就可以，佢幫我地SET返我地既份量，好體貼，咁唔怕叫得太多！刺身都好新鮮，細細件容易食，壽司飯都好味，唔會太鬆散，又唔會飯大過魚生 ^^
其次必食必叫既係串燒，粟米、雞皮、雞軟骨、腎等等，應該係即叫即煮，拎到黎仲係熱哄哄架，醃得好入味，炸得亦夠火喉，又唔會炸得好油膩，好好味！而雞翼都係必叫，炸得好脆口，正！
之後再order其他冷盤熱盤，好似蟹子沙律，豆腐沙律，薄切牛肉，三文魚頭，茄子，螺肉，八爪魚等等，都係有水準之作。因為太飽既緣故，烏冬，鍋物，厚燒牛肉粒等等都未有機會品嘗，下次要再去食過先得！傾計傾得高興既緣故，仲叫埋熱SAKE飲添 ^^
值得一讚的是，侍應們態度良好，除主動指示我地ORDER份量外，倒水執枱既頻率都好高，好有禮貎！
咁既價錢，有咁既食物質素，環境，服務，真係好扺呀 ^^ 值得大力推介！
今晚同幾位宿友傾計傾得好開心，狂食狂笑，由七點食到十一點先走，呵！
張貼
