Dabyida Restaurant and Bar (已結業)

今日同同事行遠少少係棉登徑覓食，行行吓見到呢間環境幾好，就試吓啦！佢係半自助餐形式，有一個Area可以拎salad同頭盤。沙律菜新鮮，小酥餅好精緻。南瓜湯加左忌廉好滑身同足料。我主菜揀咗紐西蘭肉眼扒，Order左五成熟，完全冇overcook，仲有唔同蔬菜做配菜，健康又好味。醬汁係用咗燒汁，同肉眼扒好match。伴碟好精緻，睇得出廚師嘅細心。一上菜就已經加晒分啦！同事叫咗黑松露大蝦risottos，大蝦非常彈牙，意大利飯口感豐富，份量啱啱好。午餐選擇又多一個啦！