影片
更多
2022-11-26
1102 瀏覽
朋友住寶琳，見到有特色嘅餐廳就提醒我要過嚟試，餐廳名係YOLO (「You Only Live Once」)，無論係餐廳名定裝修都感受到佢嘅用心同新穎。不過餐廳開係健身室對面，望住人哋努力跑步，自己努力食嘢會有罪惡感🤣2人晚餐 $238前菜拼盤除咗沙律菜外，仲有一口雞塊同黑色小丸子。小丸子竟係係飯製成，食入口又脆又香。餐湯當晚係忌廉南瓜湯，南瓜湯南瓜香滑，南瓜味濃郁。夏威夷薄餅餅底唔係厚實而係脆卜卜果種，足料而且係即焗，一上枱係好香同熱辣辣。燒澳洲肉眼扒（五成熟）+$98最近好少食到五成熟嘅肉眼扒，而呢間真係五成熟，除咗有沙律外，薯條好似仲可以無限添加（不過太多嘢食了我哋無加🤣）。跟餐附送兩杯飲品，我哋揀咗凍檸檬特飲同白咖啡。綠茶牛角窩芙雪糕 $48牛角窩夫格仔，食落好香脆，搭配忌廉同綠菜粉，口感豐富。雲呢拿雪糕唔係平時食開市面嘅雪糕，口感更軟滑。總括而言，商場內呢個價錢嘅餐廳仲可以食扒，性價比好高😋😋
朋友住寶琳，見到有特色嘅餐廳就提醒我要過嚟試，餐廳名係YOLO (「You Only Live Once」)，無論係餐廳名定裝修都感受到佢嘅用心同新穎。
不過餐廳開係健身室對面，望住人哋努力跑步，自己努力食嘢會有罪惡感🤣
2人晚餐 $238
前菜拼盤
除咗沙律菜外，仲有一口雞塊同黑色小丸子。小丸子竟係係飯製成，食入口又脆又香。
餐湯
當晚係忌廉南瓜湯，南瓜湯南瓜香滑，南瓜味濃郁。
夏威夷薄餅
餅底唔係厚實而係脆卜卜果種，足料而且係即焗，一上枱係好香同熱辣辣。
燒澳洲肉眼扒（五成熟）+$98
最近好少食到五成熟嘅肉眼扒，而呢間真係五成熟，除咗有沙律外，薯條好似仲可以無限添加（不過太多嘢食了我哋無加🤣）。
跟餐附送兩杯飲品，我哋揀咗凍檸檬特飲同白咖啡。
綠茶牛角窩芙雪糕 $48
牛角窩夫格仔，食落好香脆，搭配忌廉同綠菜粉，口感豐富。
雲呢拿雪糕唔係平時食開市面嘅雪糕，口感更軟滑。
總括而言，商場內呢個價錢嘅餐廳仲可以食扒，性價比好高😋😋
張貼
