FRITES Belgium on Tap (已搬遷) 新店位置

book左枱同家姐星期六黎食呢間野，貪佢有野比小朋友玩一出𨋢係普通用餐區，而職員就安排我地係另一邊有野比小朋友玩既區域到就座。環境幾靚，有啲彩色玻璃窗，又有復古味既風扇，座位寬敞舒適，角落位有個corner舖晒地墊比小朋友係到玩，有啲煮飯仔玩具咁。侍應係外國人，餐牌亦只有英文。呢區既女侍應好友善及有禮貌。我地叫左Mini fish n chips（for小朋友），mushroom risotto，同埋norwegian salmon fillet。炸魚同薯條都好香好好味!呢個都唔錯，不過個人唔太中意面頭太多芝士，太濃唔岩我三文魚好滑好香，唔會overcooked，薯粒都好香，正。因為呢到有個corner for小朋友玩，所以食飯都輕鬆啲，小朋友掛住玩價錢方面都唔算太貴，一般好少少既西餐都係咁上下，呢到仲要環境好又baby-friendly，食物質素都幾好，所以都值。我地食左5百幾蚊。