Mo Mo Kushiage (已結業)

今日去咗尖沙咀同朋友食晚餐，揀咗呢間串炸專門店，舖頭入面環境舒適，有居酒屋嘅感覺，適合同朋友食住傾計。先嚟嘅前菜，可以點兩款味增醬，有辣有唔辣，仲有佢哋自製嘅紅酒醋汁。然後叫咗一個薯仔沙律 ，本身期望唔係太高，但係見到佢造型好有心思，一食更加不得了，有煙肉、蛋碎、青瓜等等混合咗喺薯蓉入面，食落去既清新又有口感，非常適合呢排咁熱嘅天氣。再來就叫咗個燒鱈魚乾，炸到非常之香脆，聞落去仲有濃濃嘅鱈魚香味。除咗menu上面有嘅菜式，舖頭仲有好多期間限定嘅嘢食，我哋就一次過叫咗磯煮鮑魚 、港島炸豆腐、炸豚足、日本門鱔同埋鴨胸金時草卷。磯煮鮑魚非常高質，鮑魚煮到軟淋淋，容易入口，而且啲醬汁入曬味，食落去啖啖甘甜。然後係，港島炸豆腐，點解係香港島嘅港島？原來係臭豆腐，非常之入味香口。跟住嚟嘅係日本蠔同埋日本門鱔，兩樣都係海鮮但有截然不同嘅感覺 ，日本蠔非常juicy ，食落有鮮味。日本門鱔就啖啖肉，肉身比較結實，而且唔乾，保持到水分。炸豚足好有驚喜，因為未試過咁樣嘅食法。平日德國豬手就食得多，感覺都相似，一樣有鹹香味，但係比德國豬手更加脆，而且食落一啲都唔油膩。鴨胸金時草卷嘅鴨味好突出，非常之香。朋友