蠔站 (黃金廣場) (已結業)

今日黎到哩間位於銅鑼灣既生蠔餐廳。餐廳環境闊落舒適，燈光較為昏暗浪漫。餐廳最吸引既地方就係$10一隻生蠔，真係超抵食！餐牌上意粉、意大利飯同pizza既選擇都唔少。🍝冬陰功海鮮扁意粉 $158哩個意粉真係不得了，好有驚喜❗️醬汁有濃濃既冬陰功味，而且非常creamy，微辣，意粉質感煙韌，超級掛汁，入面仲有青椒絲同洋蔥絲，能夠增添口感，配上不少魷魚、兩隻海蝦同三粒青口，新鮮好食，好食推介👍🏻🍕五十五十 $198哩款啱晒有選擇困難症既人，可以係E1至E7既味道之間自選雙重口味，而我就揀左蠔站至尊同華麗皇室。蠔站至尊配料有海蝦、元貝、三文魚籽、黑魚籽、西班牙火腿；華麗皇室配料有雞肉、橄欖、蕃茄，兩款面層都灑上香草及唔同既芝士，Pizza係薄既餅底，最邊邊既位置比較香脆。🦪生蠔 $10(1隻)今日既生蠔係愛爾蘭入口，$10黎講質素真係相當唔錯，入口新鮮，有微鹹既海水味，有幾隻仲要幾厚肉，抵食推介👍🏻整體黎講，餐廳環境舒適，食物質素亦相當唔錯，黎開銅鑼灣可以試下。