第三站

帶住一個小朋友出街麻煩，帶埋佢去食嘢仲麻煩，要搵間坐得舒服，又要啲嘢啱佢食😩呢度嘅環境好好，啱啱好可以安排一個角落頭俾我哋坐❤️有個大單邊窗，藍色嘅天空白嘅色梳化，個環境好舒服好靚🥰🥰。仲有好多大富翁之類嘅遊戲提供，一班朋友黎玩都唔錯，佢有間大既VIP Room👫🏻👭🏻👫🏻👬🏻👫🏻呢度有好多種類嘅飲品，花茶、咖啡、乳酪、沙冰甚至奶昔都有，小朋友一定好鍾意奶昔☺️就咁叫一杯其實都唔貴。另外食物以小食同埋套餐為主。有小朋友喺度薯條雞翼一定走唔甩，套餐包一杯$38既野飲，特飲都只係補返差價。仲可以加$35追加沙律同甜品🍮嘢飲都算好大杯，味道濃厚，又唔會一大杯冰，小朋友好中意。芒果奶昔特濃朱古力松露薯條 $56蜜糖雞翼 $52新鮮炸出嚟，係好粗嗰啲薯條☺️，好脆又有咬口加上黑松露嘅味道好香，小朋友點晒成碟茄汁。🤣雞翼又五隻，隻隻都大大隻，不過如果多幾隻感覺抵食啲，小朋友食到唔夠食。香甜既蜜糖味，雞翼入邊都唔會太乾，好juicy!黑松露帶子鮮菌燴意大利飯 $122依個好味😋黑松既味道好出同芝士夾埋一齊好好味，成個飯好creamy，飯粒岩岩好唔會好硬，我鍾意呢個質感。當然有啲人會鍾意食硬身啲。