紙飛機親子空間

營業中

休息中

紙飛機親子空間位於啟德郵輪馬頭，實在係爸爸媽媽嘅佳音～輕輕鬆鬆帶住小朋友去玩，叫啲好味嘅食物，完左仲可以係空中花園散步、睇海景、日落、喺草地影下相，可謂週末一大寫意嘅好去處～場內玩樂設施由6個月到8歲都岩玩，1歲以下更是免費，有車仔、波波池、攀爬設施同埋滑梯等，又有迷你超級市場比小朋友體驗購物shopping 、玩煮飯仔等，又好玩打卡亦都一流😍食物方面都十分高質，點左一個花膠雲吞雞，湯非常清甜又足料，大大隻雞兩個人食都已經有啲飽😋花膠份量都好多，既養顏又美味！最後講下兒童餐，非常豐富營養均衡，健康天然得嚟又好味，賣相都好可愛，有好得意嘅熊仔包，顏色鮮艷嘅蔬果同埋嫩滑嘅滑蛋蝦仁，好味到停唔到口！總括而言，餐廳環境好靚好乾淨，小朋友玩得好放心，又有靚衫cosplay同多種不同玩具，夠晒空間容納多個小朋友。食物都好高質，大人小朋友都食到欲罷不能，咁多爸爸媽媽都不妨去試下～